Zornade Furlane dai Dirits / Giornata Friulana dei Diritti

27 di Fevrâr: la Zornade Furlane dai Dirits a Onde Furlane
Une programazion speciâl par fevelâ di dirits e dai 30 agns de Radio

Ai 27 di Fevrâr dal 1511 si invià il riviel plui grant de storie furlane. Dâts dongje in bandis di vuerilie, i contadins a derin l’assalt e a brusarin i cjistiei e i palaçs de nobiltât ator par dute la Patrie dal Friûl. La insurezion e fo scjafoiade intal sanc, ma e judà a infuartî la cussience des comunitâts rurâls furlanis che, contrari di ce che cualchidun al va dilunc a contâ, no jerin pipinots mugnestris tes mans dai sorestants di in chê volte, ma sogjets impegnâts intune lungje lote par difindi i lôr dirits. Par chest si à sielzût la date dai 27 di Fevrâr par celebrâ la Zornade Furlane dai Dirits.
Zaromai di un pôcs di agns, Radio Onde Furlane, cu la poie dal Comitât 482, e celebre cheste Zornade cuntune programazion speciâl che e à chê di stiçâ la riflession sui dirits dai furlans e su lis bataiis inviadis par difindiju. Cun di plui, ta chest 2010, pe ocasion dai 30 agns de emitente si varan ancje altris elements di novitât.

27 febbraio: la Zornade Furlane dai Dirits a Onde Furlane
Una programmazione speciale dedicata ai diritti e ai 30 anni della Radio

Il 27 febbraio del 1511 prese avvio la più grande rivolta della storia friulana. Organizzati in bande di guerriglia, i contadini assaltarono ed incendiarono castelli e palazzi nobiliari in tutta la Patria del Friuli. L’insurrezione fu soffocata nel sangue, ma contribuì a rafforzare la coscienza delle comunità rurali friulane che, contrariamente a quanto alcuni si ostinano a sostenere, non furono docili marionette manovrate dai potenti dell’epoca, ma soggetti attivi in una lunga lotta per la difesa dei propri diritti. Per questo è stato scelta la data del 27 febbraio per celebrare la Zornade Furlane dai Dirits (Giornata Friulana dei Diritti).
Già da alcuni anni, Radio Onde Furlane, con il sostegno del Comitato 482, celebra tale ricorrenza con una programmazione speciale che si propone di stimolare la riflessione sui diritti dei friulani e sulle battaglie in atto per difenderli. Inoltre, quest’anno, in occasione del trentennale dell’emittente, ci saranno ulteriori novità.