Senti che bel vento...... si cambia!

Senti che bel vento...... si cambia!

27/07/11

Que viva Onde Furlane!


Pe rassegne “Estât, aghis e storiis”, un apontament di no pierdi!
Sabide ai 30 di lui a lis 21 a Muçane, alì dal tendon de aree “Cjarandone”:“VIVA ONDE FURLANE SHOW”, une fieste in musiche a sostegn de storiche emitent “RADIO ONDE FURLANE”, in dificoltât par vie dai tais ai contribûts fats a livel regjonâl.
Il spirt di chest apuntament al è chel di manifestâ l’afiet e la solidarietât de comunitât di Muçane a une emitent radiofoniche che di passe trente agns e lavore pe promozion de lenghe furlane in mût simpri inovatîf e atent a lis tematichis e ai lengaçs de atualitât.
Te serade a sunaran il ghitarist VANIA ZOCCARATO, lis bands muzanesis STRANGERS, LE OMBRE e i vincidôrs de ultime edizion dal “Premi Friûl” LUNA E UN QUARTO, che e presentaran al public il lôr prin disc “BASSE PRESSION”. L'event si sierarà cu la assegnazion, al miôr musicist de serade, de 1e targhe “Zaramella”, un ricognossiment dedeât ae memorie dal musicist muçanês Andrea Zaramella. Jentrade libare!

11/07/11

Estât, aghis e storiis 2011



Pe rassegne "estât, aghis e storiis" sabide ai 16 di Lui a Muçane serade teatrâl sot dal tendon de aree Cjarandone cul grup "La Loggia" di Udin che al presentarà il spetacul "Veduis" di Danilo D'Olivo.

Apontament as 21.00, no stait a mancjâ!